Monitorimi për Qëndrueshmëri
Qendra “All Green” ka nisur në janar tw kwtij viti zbatimin e iniciativws “Monitorimi për Qëndrueshmëri”, i cili mbwshtetet nga Bashkimi Evropian, pjesw e projektit “Shoqeria Civile kundwr Korrupsionit, nga njw sfidw vendase nw njw pwrgjigje Evropiane!”. Projekti po zbatohet në Bashkitë Devoll dhe Kolonjë, Bashkitë e Qarkut Korçë.
Qëllimi kryesor i iniciativës është parandalimi i korrupsionit në përdorimin e tokës në Bashkitë Devoll dhe Kolonjë, përmes monitorimit të proceseve vendimmarrëse dhe fuqizimit të komunitetit të rajonit të Korçës për të siguruar qëndrueshmëri.
Objektivat specifik:
- Monitorimi i vendimeve, proceseve dhe vlerësimi i ndikimeve në natyrë si pasojë e ndryshimit të përdorimit të tokës, nga fond pyjor dhe kullosor në industrinë e centraleve fotovoltaike në bashkitë Devoll dhe Kolonjë.
- Nxitja e përfshirjes aktive të komunitetit, veçanërisht grave, vajzave dhe të rinjve në monitorimin, avokimin dhe ndjekjen e proceseve të vendimmarrjes në bashkitë e Qarkut Korçë.
Rezultatet e synuara:
R1. Vendime të monitoruara për risk korrupsioni në ndryshimin e përdorimit të tokës nga natyrore në industriale (centrale fotovoltaike), për një periudhë 3-vjeçare, vlerësimi i ndikimeve afatgjata në natyrë dhe plan masash konkrete i hartuar për 2 bashki.
R2. Bashki të orientuara drejt vendimmarrjeve transparente dhe më të qëndrueshme në ndryshimin e përdorimit të tokës, duke marrë në konsideratë ndikimin në receptorët natyrorë dhe adaptimin ndaj ndryshimeve klimatike
R3. Gra, vajza dhe të rinj të përfshirë në proceset e vendimmarrjes për çështjet e ndryshimit të përdorimit të tokës natyrore, në të zhvilluar dhe adaptimin ndaj ndryshimeve klimatike.
R4. Kapacitetete të rritura tek gratë, vajzat dhe të rinjtë për monitorimin e vendimeve me risk të lartë korrupsioni dhe advokimi i çështjeve të mbrojtjes së natyrës dhe përshtatshmërisë ndaj ndryshimeve klimatike.
R5. Shembull i promovuar i monitorimit të vendimeve me rrezik të lartë korrupsioni me ndikim në nivel lokal.
Aktivitetet:
A1. Hartimi i raportit të monitorimit i procedurave bashkiake për ndryshimin e përdorimit të tokës nga natyrore, në industriale (ndërtim i centraleve diellore);
A2. Dy takime informuese me banorët (kryesisht gra dhe vajza) në bashkitë e targetuara;
A3. Gjashtë trajnime në gjashtë gjimnaze në bashkitë e targetuara dhe ato të qarkut;
A4. Një forum rajonal (Qarku Korçë) për ndërgjegjësimin e publikut dhe ndarjen e eksperiencave pozitive për çështjen e vendimmarrjes, riskut të korrupsionit dhe rëndësisë së mbrojtjes së natyrës për përshtatshmërinë ndaj ndryshimeve klimatike;
A5. Prodhimi i një dokumentari investigativ për çështjet e vendimmarrjes për ndyshimin e përdorimit të tokës, veçanërisht në pyje dhe kullota dhe ndikimi në natyrë dhe mjedis;
A6. Propozimi i Raportit të Monitorimit në Këshillat Bashkiakë;
A7. Zhvillimi i një fushatë promovuese për çështjen e vendimmarrjes për ndryshimin e përdorimit të tokës, ndikimit në natyrë dhe adaptimin ndaj ndryshimeve klimatike, si dhe aktiviteteve të projektit në tërësi.
