‘Germin’ do të thotë ‘të rritet, të lulëzojë’.
GERMIN fuqizon dhe bashkon shqiptarët globalisht duke shfrytëzuar burimet tona të përbashkëta për të mbështetur demokratizimin dhe zhvillimin e vendeve tona të amë. Qëllimi ynë është të shfrytëzojmë inovacionin, teknologjinë, rrjetet sociale dhe trashëgiminë e pasur kulturore të shqiptarëve për të frymëzuar dhe realizuar ndryshime të rëndësishme, si në atdheun tonë, ashtu edhe në mbarë botën. Fjala ‘Germin’ ka origjine latine dhe do te thote ‘të rritet, të lulëzojë’. Duke shfrytëzuar këtë kuptim, organizata jonë synon të vendosë një bazë të fortë mbi të cilën shqiptarët do të ndërtojnë muret e duhur për përmirësimin e atdheut të tyre.
Misioni ynë është të shërbejmë si një urë e gjallë, dinamike që lidh shqiptarët anembanë botës për të frymëzuar lidership dhe inovacion, për të rritur përfshirjen dhe sipërmarrjen dhe për të lehtësuar dhe ndërtuar lidhje strategjike. Vizioni ynë është të krijojmë një diasporë shqiptare globalisht të lidhur dhe të fuqizuar, që kontribuon aktivisht në zhvillimin shoqëror, ekonomik dhe demokratik të vendeve të tyre të origjinës. Synojmë të ndërtojmë lidhje të forta dhe të qëndrueshme midis diasporës dhe komuniteteve lokale, duke nxitur përparim të qëndrueshëm dhe ndikim të rëndësishëm.
Për më shumë informacion, vizitoni https://germin.org/sq/
Fondacioni Shqiptar për të Drejtat e Personave me Aftësi të Kufizuara (FShDPAK) është një organizatë jofitimprurëse, e themeluar që në vitin 1996, e njohur si dhe lider në transformimin e politikave dhe praktikave për promovimin e gjithëpërfshirjes së personave me aftësi të kufizuara në Shqipëri. FShDPAK ofron ekspertizë dhe mbështet autoritetet publike, politikëbërësit, si dhe institucionet publike dhe private, në hartimin e politikave, planeve dhe programeve përmes një qasjeje plotësisht pjesëmarrëse që përfshin të gjithë aktorët relevantë, para sëgjithash personat me aftësi të kufizuara, familjarët dhe organizatat përfaqësuese të tyre.
Gjithashtu, FShDPAK zhvillon dhe piloton shërbime që promovojnë aksesin dhe përfshirjen e personave me aftësi të kufizuara—kryesisht të rinjve, grave dhe vajzave me aftësi të kufizuara—në jetën shoqërore, ekonomike, publike dhe politike në Shqipëri. Aktiviteti i saj shtrihet edhe në Ballkanin Perëndimor dhe në nivel evropian, përmes angazhimit të vazhdueshëm dhe zhvillimit të rrjeteve dhe partneriteteve kombëtare, rajonale dhe evropiane.
Për më shumë informacion, vizitoni www.adrf.al
Instituti për Zhvillim Strategjik (IZHS) është një organizatë jofitimprurëse e shoqërisë civile, e pavarur, jopartiake dhe jo-politike, e themeluar dhe që ushtron veprimtarinë e saj në përputhje me legjislacionin shqiptar në fuqi për organizatat jofitimprurëse. IZHS operon si një qendër e specializuar me fokus në kërkimin shkencor, analizën e politikave publike, zhvillimin institucional dhe ndërtimin e kapaciteteve, duke kontribuar në adresimin e sfidave sociale, ligjore dhe qeverisëse në vend.
Misioni i IZHS është të promovojë dhe të mbështesë zhvillimin e qëndrueshëm shoqëror përmes forcimit të shtetit të së drejtës, përmirësimit të qeverisjes së mirë dhe garantimit të respektimit të të drejtave dhe lirive themelore të njeriut. Në këtë kuadër, organizata angazhohet në hartimin dhe zbatimin e iniciativave që synojnë monitorimin dhe vlerësimin e reformave kyçe ligjore, institucionale dhe politike, si dhe në fuqizimin e aktorëve të shoqërisë civile dhe komuniteteve.
Përmes një qasjeje ndërdisiplinore dhe bashkëpunimit me institucione publike, organizata ndërkombëtare dhe aktorë të tjerë relevantë, IZHS kontribuon në promovimin e transparencës, llogaridhënies dhe pjesëmarrjes qytetare në proceset vendimmarrëse.
Për më shumë informacion, mund të vizitoni faqen zyrtare: https://isdalbania.org/
Qendra Shqiptare për Zhvillimin e Familjes (ACFD) është një organizatë jofitimprurëse dhe joqeveritare, e themeluar në vitin 2017. Në qendër të punës së ACFD qëndron besimi tek potenciali i familjes si bazë për zhvillimin e një shoqërie të shëndetshme dhe gjithëpërfshirëse.
Organizata promovon vlera si diversiteti, barazia, integriteti dhe bashkëpunimi i ngushtë me komunitetin, duke synuar zgjidhje inovative dhe të qëndrueshme për sfidat sociale. ACFD vepron në disa fusha kryesore, përfshirë fuqizimin ekonomik dhe social të familjeve, shëndetin dhe mirëqenien, inovacionin dhe trashëgiminë kulturore, prindërimin pozitiv, barazinë gjinore dhe angazhimin rinor. Përmes aktiviteteve të saj, organizata punon ngushtë me të rinjtë, gratë, familjet në nevojë dhe grupet e margjinalizuara, duke promovuar përfshirjen, pjesëmarrjen aktive dhe zhvillimin e aftësive të tyre sociale, të komunikimit dhe profesionale.
Me një përvojë të konsiderueshme në punën me të rinjtë në nivel lokal, ACFD ka zbatuar trajnime, fushata ndërgjegjësuese, iniciativa advokuese dhe aktivitete kulturore, duke fuqizuar të rinjtë të bëhen qytetarë aktivë dhe kontribuues në komunitetet e tyre. Organizata është gjithashtu pjesë e rrjeteve kombëtare dhe ndërkombëtare, duke kontribuar në hartimin e politikave dhe nismave për çështje të rëndësishme sociale në vend.
Fondacioni “DAVIDI” është një organizatë jofitimprurëse e themeluar në vitin 2002, me fokus në zhvillimin e arsimit, fuqizimin e të rinjve dhe promovimin e inovacionit në Shqipëri. Përmes një qasjeje të integruar që lidh edukimin, teknologjinë dhe sipërmarrjen, fondacioni synon të ndërtojë një brez të ri të mirëarsimuar, të angazhuar dhe të orientuar drejt zhvillimit të qëndrueshëm të vendit. Organizata ka një përvojë të konsoliduar në zbatimin e projekteve në fushat e edukimit, formimit profesional, zhvillimit rural, agroturizmit dhe sipërmarrjes së të rinjve, duke bashkëpunuar me institucione publike, universitete dhe organizata ndërkombëtare. Një ndër prioritetet kryesore të Fondacionit “DAVIDI” është nxitja e inovacionit dhe përfshirjes së të rinjve në ekonomi, veçanërisht në zonat rurale. Në kuadër të angazhimit të tij për mirëqeverisje dhe transparencë, fondacioni kontribuon aktivisht në forcimin e integritetit institucional dhe luftën kundër korrupsionit, duke promovuar vlera qytetare, pjesëmarrje aktive dhe llogaridhënie publike.
The Youth of Ura është një organizatë jo-fitimprurëse e themeluar në vitin 2017, me bazë në Bashkinë Dimal, e angazhuar në fuqizimin e të rinjve dhe zhvillimin e qëndrueshëm të komuniteteve lokale. Organizata funksionon si një urë lidhëse midis të rinjve, institucioneve dhe shoqërisë civile, duke promovuar pjesëmarrjen aktive qytetare, edukimin dhe inovacionin social.
Misioni i saj është të krijojë mundësi reale për të rinjtë, veçanërisht në zonat rurale dhe për grupet e margjinalizuara, duke i pajisur ata me njohuri, aftësi dhe platforma për t’u bërë aktorë të ndryshimit në komunitetet e tyre.
The Youth of Ura ka zbatuar një sërë projektesh në fushat e:
The Youth of Ura vazhdon të pozicionohet si një aktor i rëndësishëm në ekosistemin e shoqërisë civile në Shqipëri, duke kontribuar në ndërtimin e një shoqërie më demokratike, gjithëpërfshirëse dhe transparente.
Shoqata “Qendra Sociale në Ndihmë të Njerëzve në Nevojë” (QSNNN) është një organizatë joqeveritare, jo fitimprurëse dhe e pavarur me fokus mbështetjen e grupeve në nevojë, përfshirë fëmijët, të rinjtë, gratë dhe moshën e tretë në zonën e Fushë-Arrëzit dhe më gjerë në Veri të Shqipërisë.
Veprimtaria e saj përfshin ofrimin e mbështetjes sociale dhe përkujdesjes për grupet vulnerabël, zhvillimin e projekteve dhe studimeve në fushën sociale dhe ekonomike, si dhe organizimin e aktiviteteve sensibilizuese për mbrojtjen e mjedisit dhe promovimin e zhvillimit të qëndrueshëm. Organizata angazhohet gjithashtu në kërkime, konferenca dhe bashkëpunim me aktorë lokalë e ndërkombëtarë për të kontribuar në hartimin e politikave dhe përmirësimin e qeverisjes transparente.
QSNNN fokusohet veçanërisht në fuqizimin e komunitetit përmes përfshirjes së të rinjve, grave dhe të moshuarve në aktivitete sociale dhe zhvillimore, duke synuar përmirësimin e kushteve të jetesës dhe rritjen e kohezionit social në zonat rurale.
Balkan Youth Activism (BYA) është një organizatë rinore jofitimprurëse, e themeluar në Korçë në vitin 2018 nga të rinj të frymëzuar nga vlerat e Erasmus+. Ajo ka përvojë në zhvillimin dhe zbatimin e iniciativave në nivel lokal, kombëtar dhe ndërkombëtar, me qëllim fuqizimin, mobilizimin dhe lidhjen e të rinjve në Shqipëri dhe në Ballkanin Perëndimor.
Organizata promovon pjesëmarrjen qytetare, të drejtat e njeriut, edukimin, inovacionin dhe dialogun ndërkulturor, duke vepruar në një gamë të gjerë fushash si: demokracia dhe angazhimi qytetar, sipërmarrja dhe punësimi i të rinjve, arti, kultura dhe sporti, shëndeti, turizmi, trashëgimia kulturore, mjedisi, si dhe trajnimet dhe multimedia.
BYA i kushton vëmendje të veçantë përfshirjes së të rinjve nga grupet në nevojë, duke përfshirë të rinjtë nga zonat rurale, komunitetet minoritare dhe grupet e margjinalizuara, duke nxitur vullnetarizmin, përfshirjen sociale dhe advokimin për çështjet rinore në të gjitha nivelet.
Qendra Rinore e Vlorës (VYC) është një organizatë jofitimprurëse me seli në Vlorë, aktive që nga viti 1998 në fuqizimin e të rinjve dhe promovimin e pjesëmarrjes ne proceset vendimmarrëse. Me mbi 25 vite përvojë, VYC është një aktor i besueshëm në zhvillimin rinor, qeverisjen e mirë dhe përfshirjen sociale, duke zbatuar iniciativa në nivel lokal, kombëtar dhe ndërkombëtar. O
rganizata punon për të nxitur angazhimin qytetar të të rinjve, për të forcuar transparencën dhe llogaridhënien, si dhe për të mbështetur zhvillimin e politikave rinore. Një fokus i veçantë i punës së saj është promovimi i ligjshmërisë dhe parandalimi i fenomeneve si korrupsioni, krimi i organizuar dhe përfshirja e të rinjve në aktivitete të jashtëligjshme.
Përmes programeve të saj, Qendra Rinore e Vlorës kontribuon në ndërtimin e një shoqërie gjithëpërfshirëse dhe demokratike, duke fuqizuar të rinjtë si qytetarë aktivë dhe agjentë të ndryshimit pozitiv.
Qendra Këshillimore për Njerëzit me Aftësi të Kufizuar është një organizatë e shoqërisë civile e angazhuar në mbrojtjen e të drejtave dhe përmirësimin e kushteve të jetesës së personave me aftësi të kufizuara në Shqipëri. Organizata synon të identifikojë dhe promovojë alternativa konkrete për riaftësimin, integrimin dhe fuqizimin social e ekonomik të personave me aftësi të kufizuara, duke kontribuar në rritjen e ndërgjegjësimit publik dhe institucional mbi nevojat dhe të drejtat e tyre.
Veprimtaria e organizatës fokusohet në riaftësimin fizik dhe mendor të personave me aftësi të kufizuara, përfshirjen e tyre në arsim, formim profesional dhe mundësi punësimi, me synim integrimin e plotë social dhe ekonomik. Organizata mbështet gjithashtu familjarët dhe kujdestarët përmes trajnimeve dhe aktiviteteve sensibilizuese, kontribuon në sigurimin e mjeteve ndihmëse lëvizëse dhe zhvillon aktivitete ndërgjegjësuese në komunitet dhe institucione rezidenciale.
Organizata ushtron aktivitetin e saj kryesisht në Shqipërinë e Veriut, në qarqet Lezhë, Shkodër dhe Kukës.
Instituti Shqiptar i Shkencave AIS (Albanian Institute of Science – AIS) është një organizatë joqeveritare e themeluar në vitin 2011, e njohur gjerësisht për iniciativën Open Data Albania dhe angazhimin e saj në promovimin e transparencës, llogaridhënies dhe qeverisjes së mirë në Shqipëri. Përmes monitorimit të institucioneve publike, analizës së të dhënave dhe nxitjes së pjesëmarrjes qytetare, AIS kontribuon në forcimin e shtetit të së drejtës dhe luftës kundër korrupsionit.
Organizata punon në fusha si anti-korrupsioni, Open Government Partnership, mbikëqyrja e shpenzimeve publike dhe prokurimeve, transparenca institucionale, pavarësia e institucioneve dhe fuqizimi i të rinjve për aktivizëm qytetar. Përmes platformave të saj të të dhënave të hapura dhe iniciativave monitoruese, AIS synon të rrisë aksesin e publikut në informacion, të promovojë kulturën e mbikëqyrjes qytetare (watchdog) dhe të nxisë reagimin publik ndaj çështjeve që lidhen me integritetin dhe qeverisjen.
Për më shumë informacion, vizitoni faqen zyrtare: www.ais.al
Për më shumë informacion, mund të vizitoni faqen zyrtare: https://www.facebook.com/p/Act-Think-Center-100092600281436/
Shoqata e Kombeve të Bashkuara në Shqipëri (UNAA) u themelua në vitin 2016, si rezultat i vendosmërisë së përbashkët të të rinjve dhe të rejave shqiptare që refuzuan të pajtoheshin me kushtet ekzistuese me të cilat përballet rinia në vend dhe në rajon. E udhëhequr nga parimet e OKB-së për integritet, barazi, solidaritet dhe gjithëpërfshirje, UNAA shërben si një qendër vizioni dhe veprimi për një Shqipëri të transformuar — një vend që kapërcen mungesën e mundësive në arsim dhe punësim, përmirëson përfaqësimin e të rinjve në politikë dhe në debatet publike, dhe adreson mungesën e besimit në potencialin e tyre.
Ne kundërshtojmë margjinalizimin e të rinjve dhe politikat rinore, si dhe refuzojmë idenë se rinia është e pafuqishme për të sjellë ndryshim. Kjo retorikë minon besimin e të rinjve shqiptarë në aftësinë e tyre për të ndikuar pozitivisht në vendin dhe komunitetin e tyre, si dhe për të ndërtuar ndjenjën e përkatësisë dhe besimit ndaj institucioneve demokratike.
Duke ndërtuar ura me proceset vendimmarrëse dhe nismat sociale jashtë vendit, ne besojmë fort se përgjegjësia për të formësuar të ardhmen e Shqipërisë qëndron brenda kufijve të saj. Modeli ynë nxit talentin lokal dhe vendos besimin tek aftësia dhe dinjiteti i qytetarëve shqiptarë.
Për më shumë informacion, vizitoni faqen: https://unaalbania.org/
Shoqata Tjeter Vizion është një organizatë jo fitimprurëse me qendër në Elbasan, e themeluar dhe e miratuar nga Gjykata e Tiranës më 8 prill 2002. Që prej majit të po atij viti, ajo ofron shërbime sociale, bujqësore dhe shëndetësore për grupet në nevojë, me synim përmirësimin e kushteve të jetesës së tyre dhe zhvillimin e komunitetit në tërësi. Misioni i saj mbështetet në parimet e barazisë gjinore, mosdiskriminimit, solidaritetit, lirisë, jo dhunës dhe demokracisë, duke promovuar një shoqëri më të drejtë, gjithëpërfshirëse dhe të orientuar drejt mirëqenies për të gjithë.
Për më shumë informacion, vizitoni faqen: https://www.tjetervizion.org/
Shërbimi Ligjor Falas Tiranë (TLAS) është një organizatë jo fitimprurëse që ofron ndihmë juridike falas për individët dhe grupet në nevojë në Shqipëri. Veprimtarinë e nisi në janar të vitit 1999 si program i CAFOD Albania, për t’u regjistruar më 18 dhjetor 2006 si qendër e pavarur. TLAS synon të ndërtojë një sistem ligjor më gjithëpërfshirës dhe bashkëpunues, duke përmbushur nevojat sociale dhe ligjore të qytetarëve me të ardhura të ulëta, duke promovuar edukimin për të drejtat e njeriut dhe shtetin ligjor, si dhe duke kontribuar në përmirësimin e legjislacionit kombëtar. Në thelb të punës së saj qëndrojnë vlerat e besimit, respektit, shërbimit dhe bashkëpunimit.
Për më shumë informacion, vizitoni faqen: https://www.tlas.org.al/sq
Shoqata për Kulturë Demokratike (SHKD), e themeluar më 3 shkurt 1992, është një organizatë jofitimprurëse dhe me anëtarësi që vepron në të gjithë Shqipërinë. Që nga krijimi i saj, SHKD ka qenë një aktor kyç në promovimin e demokracisë, duke monitoruar të gjitha proceset zgjedhore në vend dhe duke kontribuar në reformën zgjedhore përmes rekomandimeve konkrete . Ajo është anëtare e Rrjetit Europian të Organizatave Vëzhguese të Zgjedhjeve (ENEMO) dhe ka marrë pjesë në misione ndërkombëtare të vëzhgimit në vende si Moldavia dhe Gjeorgjia . SHKD angazhohet gjithashtu në avokimin për transparencë në financimet e fushatave zgjedhore dhe në përmirësimin e pjesëmarrjes qytetare në proceset demokratike.
Për më shumë informacion, vizitoni faqen: https://www.facebook.com/koalicioniKVV/?locale=sq_AL
Shoqata Mjedisore SIRA është një organizatë jofitimprurëse e angazhuar për mbrojtjen e mjedisit dhe promovimin e zhvillimit të qëndrueshëm në Shqipëri. Ajo vepron për të ndihmuar në rritjen e ndërgjegjësimit publik lidhur me rëndësinë e ruajtjes së natyrës dhe pasurisë natyrore, si dhe për të nxitur veprime konkrete për mbrojtjen e mjedisit në nivel lokal dhe kombëtar. Shoqata fokusohet në aktivitete si edukimi mjedisor, mbështetje për politikat e qëndrueshme dhe promovimi i projekteve që ndihmojnë në menaxhimin e resurseve natyrore, për të siguruar një të ardhme më të mirë për komunitetet dhe gjeneratat që do të vijnë.
Për më shumë informacion, vizitoni faqen: https://www.facebook.com/p/Shoqata-mjedisore-Sira-100079244210205/
është një organizatë jo politike, joqeveritare dhe jofitimprurëse, e themeluar në fund të vitit 2009 si një nismë e një grupi gazetarësh. TFL është formuar si shoqatë me anëtarësi.
Misioni i saj është promovimi dhe mbrojtja e të drejtave të individëve dhe shtresave në nevojë të shoqërisë, mbështetja e familjes dhe komunitetit, me synimin e integrimit dhe përmirësimit të cilësisë së individëve, familjeve dhe shtresave në nevojë, me foks të veçantë fëmijët, të rinjtë dhe gratë në nevojë/grupeve në risk. TFL ka ndërmarrë një sërë projektesh dhe aktivitetesh novatore dhe të suksesshme.
Ajo njihet si një ndër organizatat e para më të spikatura në Shqipëri për mbrojtjen e të drejtave të pacientëve; si dhe ka zgjeruar aktivitetin e saj duke kontribuar si pjesë e shoqërisë civile për mbrojtjen e të drejtave të njeriut; me fokus të veçantë grupet vulnerable, komunitetet që jetojnë në zonat rurale ose ekonomikisht më pak të favorizuara; gratë dhe të rinjtë. Shoqata Together for Life që në fillesat e saj ka luajtur një rol aktiv në një zhvillim më të mirë socio-ekonomik dhe kulturor të shoqërisë përmes një qasjeje të bazuar në të drejtat. TFL ka menaxhuar dhe zbatuar me sukses projekte për të drejtat e njeriut, të drejtat e pacientëve; të drejtat e punës; fuqizimin ekonomik, mirëqeverisje, dhe ka disa arritje të mira.
TFL është themeluar mbi bazën e transparencës; punës në grup; angazhimit dhe efikasitetit bazuar në parimet e zhvillimit dhe koordinimit të të gjithë palëve të interesuara në procesin e zhvillimit.
Për më shumë informacion, vizitoni faqen zyrtare: https://www.togetherforlife.org.al/tfl/
Save the Children Albania është një organizatë globale që angazhohet për të siguruar të drejtat e fëmijëve, duke ofruar mundësi për një fillim të shëndetshëm në jetë, mundësi për mësim dhe mbrojtje nga dhuna dhe shfrytëzimi. Misioni i saj është të sjellë ndryshime të qëndrueshme në jetën e fëmijëve, përmes mbështetjes gjatë periudhave krizash dhe stabiliteti. Vizioni i organizatës është një botë ku çdo fëmijë gëzon të drejtat për mbijetesë, mbrojtje, zhvillim dhe pjesëmarrje. Vlerat e saj përfshijnë përgjegjshmërinë, ambicien, bashkëpunimin, krijimtarinë dhe integritetin, duke siguruar një angazhim të vazhdueshëm për përmirësimin e kushteve të jetesës dhe zhvillimit të fëmijëve në Shqipëri dhe në botë.
Për më shumë informacion, vizitoni faqen: https://www.savethechildren.net/albania
SAS (Special Achievement Services) u themelua në vitin 2023 dhe deri më sot është grupi më i madh në Ballkanin Perëndimor dhe në Europë, i përkushtuar për të mbështetur të rinjtë dhe trajtimin e problemeve të tyre nga ana akademike dhe nga ana e punësimit, me mbi 800 njoftime për mundësi të ndryshme. SAS është komuniteti kryesor për njoftime të ngjarjeve, mundësive për punësim dhe, më së fundi, mundësive për bursa brenda dhe jashtë vendit. Misioni ynë është të fuqizojmë dhe zhvillojmë individët e rinj duke përmirësuar aftësitë, të drejtat dhe kapacitetet e tyre, duke i mundësuar ata të marrin pjesë aktivisht në fuqizimin e forcës punëtore, proceset e politikëbërjes dhe proceset vendimmarrëse.
Për më shumë informacion, vizitoni faqen: https://www.instagram.com/sas.albania/
Rrjeti i Informimit dhe Qytetarisë Aktive (INAC) është një organizatë jofitimprurëse e themeluar më 23 dhjetor 2016 në Elbasan, e cila mori statusin ligjor më 14 shkurt 2017. E krijuar nga një grup gazetarësh dhe profesionistësh të fushave të ndryshme, INAC ka për qëllim promovimin e informimit, nxitjen e aktivizmit qytetar, fuqizimin e strukturave komunitare dhe rritjen e llogaridhënies së qeverisjes lokale. Misioni i saj përfshin gjithashtu përfshirjen sociale dhe fuqizimin e të rinjve në një shoqëri me mundësi të barabarta për të gjithë.
INAC ka realizuar projekte të ndryshme që synojnë përmirësimin e pjesëmarrjes qytetare dhe transparencës në qeverisje. Ndër këto projekte përfshihen monitorimi i buxhetimit me pjesëmarrje në bashkinë Elbasan, nisma për fuqizimin e grave dhe vajzave në media, si dhe studime mbi sfidat e punësimit të shtetasve të huaj në Shqipëri . Organizata ka bashkëpunuar me institucione vendore dhe ndërkombëtare për të adresuar çështje të rëndësishme si lufta kundër ekstremizmit të dhunshëm dhe përfshirja e të rinjve në vendimmarrje .
Për më shumë informacion, vizitoni faqen zyrtare: https://www.inacalbania.org
Rrjeti i Fuqizimit të Gruas në Shqipëri (AWEN), i krijuar në vitin 2009 dhe i përbërë nga 10 organizata anëtare nga rajone të ndryshme të vendit, punon për mbrojtjen e të drejtave të grave dhe vajzave dhe për fuqizimin e tyre social, ekonomik, kulturor dhe politik. Me mbështetjen e Fondacionit Kvinna till Kvinna, rrjeti synon të forcojë bashkëpunimin ndërmjet organizatave të grave dhe të promovojë një lëvizje feministe të qëndrueshme në Shqipëri. Nëpërmjet avokimit, ndërgjegjësimit, ndërtimit të kapaciteteve dhe menaxhimit të granteve, AWEN vepron për reduktimin e dhunës me bazë gjinore, përfshirë trafikimin e qenieve njerëzore, rritjen e pjesëmarrjes së grave në politikë, fuqizimin e tyre ekonomik dhe forcimin e OSHC-ve të grave në misionin e tyre për të promovuar barazi dhe të drejta të plota për gratë dhe vajzat.
Për më shumë informacion, vizitoni faqen zyrtare: https://www.awenetwork.org/
Qendra Shqiptare për Kërkime Ekonomike (ACER) është një organizatë e pavarur, jopartiake dhe jofitimprurëse, e themeluar në vitin 1992, e cila promovon debatin demokratik mbi sfidat socio-ekonomike të Shqipërisë. Me më shumë se 30 vite përvojë, ACER ka qenë një ndër institucionet kryesore që ka kontribuar në zhvillimin e qëndrueshëm të vendit përmes kërkimeve të pavarura, advokimit për politika të bazuara në prova dhe fuqizimit të kapaciteteve të institucioneve dhe shoqërisë civile. Fushat kryesore të punës së saj përfshijnë analizat socio-ekonomike, edukimin dhe përfshirjen e të rinjve, hartimin dhe promovimin e politikave publike, mbështetjen për qeverisjen e mirë dhe luftën kundër korrupsionit. Përmes publikimeve, trajnimeve dhe bashkëpunimeve rajonale, ACER ka mbetur një zë i besueshëm për vendimmarrësit dhe qytetarët që kërkojnë një të ardhme më transparente dhe gjithëpërfshirëse në Shqipëri dhe në rajon.
Për më shumë informacion, vizitoni faqen zyrtare: https://acer.org.al/sq/
Qendra Psiko-Sociale “Vatra” është një organizatë shqiptare jofitimprurëse, e themeluar në vitin 1999, me misionin për të parandaluar dhe adresuar trafikimin e qenieve njerëzore, dhunën në familje dhe dhunën me bazë gjinore. E licencuar për ofrimin e shërbimeve rezidenciale dhe komunitare, “Vatra” luan një rol kyç në mbrojtjen dhe fuqizimin social-ekonomik të viktimave përmes informimit, edukimit, ndërgjegjësimit, mbështetjes psiko-sociale dhe aksesit në drejtësi. Ajo punon drejtpërdrejt me viktima të trafikimit, abuzimit seksual dhe dhunës, si dhe me shtresa të margjinalizuara në disa qarqe të Shqipërisë. Përmes njësive të lëvizshme, strehëzës së saj dhe Klinikës Ligjore, QPS “Vatra” ofron një model gjithëpërfshirës për rehabilitimin dhe riintegrimin e viktimave. Ajo gjithashtu angazhohet në trajnime, lobim dhe advokim për përmirësimin e politikave dhe legjislacionit në mbrojtje të të drejtave të njeriut.
Për më shumë informacion, vizitoni faqen zyrtare: https://qendravatra.org.al/
“Sot për të Ardhmen” është rrjet lider në Shqipëri për mobilizim dhe fuqizim të komuniteteve në nevojë. Udhëhequr nga vizioni dhe duke përdorur metoda inovative dhe gjithëpërfshirëse, “Sot për të Ardhmen” ka krijuar përqasje të suksesshme të fuqizimit gjinor; vullnetarizmit; aktivizmit; mbrojtjes së mjedisit; ndërmjetësimit për punësim; shërbimeve, përfshirjes dhe mobilizimit komunitar, në partneritet të ngushtë me qeverisjen qendrore dhe vendore, agjensitë kombëtare dhe ndërkombëtare, shoqërinë civile dhe sektorin privat.
Duke patur prioritet të veçantë promovimin e barazisë gjinore dhe partneritetin midis burrave dhe grave, “Sot për të Ardhmen” është autor i himnit kombëtar të barazisë gjinore “Zbrite Diellin!”, duke angazhuar artistët me emër shqiptarë si ambasadorë të fushatës kundër dhunës gjinore. “Sot për të Ardhmen” ka shtrirje kombëtare me programet e tij si dhe tre qendra të rëndësishme në Tiranë, Durrës dhe Pukë.
Për më shumë informacion, vizitoni faqen zyrtare: https://cdc-tff.org/web/
Qendra për Zhvillim dhe Integrim Evropian (CEDI) është një organizatë e shoqërisë civile, e themeluar në vitin 2020 nga një grup personash të motivuar dhe me eksperiencë në fushën e menaxhimit të projekteve. CEDI synon të japë kontribut në çështjet që lidhen me të drejtat e njeriut, veçanërisht me grupet e marxhinalizuara, fëmijët, të rinjtë, gratë dhe vajzat. Misioni ynë është promovimi i realiteteve evropiane, mbrojtja e të drejtave të njeriut dhe kontribuimi me vlera dhe standarde evropiane në demokracinë dhe qeverisjen e mirë.
Për më shumë informacion, vizitoni faqen zyrtare: https://cedicentre.org/
Qendra për Nisma Ligjore Qytetare (QNL) është një organizatë jofitimprurëse me seli në Tiranë, e cila angazhohet në mbrojtjen dhe promovimin e të drejtave të njeriut, me fokus të veçantë tek gratë dhe vajzat. Misioni i saj përfshin ofrimin e ndihmës ligjore dhe psikosociale falas për viktimat e dhunës në familje dhe grupet vulnerabël, edukimin ligjor të qytetarëve, si dhe advokimin për përmirësimin e legjislacionit dhe forcimin e sistemit të drejtësisë në përputhje me standardet ndërkombëtare. QNL është aktive në monitorimin e zbatimit të ligjeve dhe politikave publike, hartimin e raporteve alternative dhe nismave ligjore qytetare, duke bashkëpunuar me institucione vendore dhe ndërkombëtare për të garantuar akses të barabartë në drejtësi dhe për të fuqizuar rolin e gruas në shoqëri.
Për më shumë informacion, vizitoni faqen zyrtare: https://www.qag-al.org/index.htm
CDC ”është një OJF lokale që ka në fokus forcimin e shoqërisë civile, veçanërisht të rinjtë, shtresat e marxhinalizuara dhe aktivistët qytetarë, nëpërmjet veprimtarive konkrete dhe orientimit drejt iniciativës së lirë, mendimit të lirë, mbrojtjes ndaj diskriminimit dhe dhunës, promovimit të edukimit formal dhe joformal, promovimit të nismave sipërmarrëse, promovimit të transparencës në vendimmarje dhe pjesëmarrjes qytetare; promovimit të turizmit dhe sportit, për të ndryshuar shoqërinë civile drejt një shoqërie më të zhvilluar.
Për më shumë informacion, mund të vizitoni faqen:
Qendra për Drejtësi Gjinore në Shqipëri (QDGJSH) është një organizatë jofitimprurëse, e pavarur, jo-politike, e cila punon për fuqizimin e grave dhe vajzave, mbron të drejtat e tyre dhe lufton pabarazitë gjinore. Misioni i Qendrës për Drejtësi Gjinore është të kontribuojë për krijimin e një shoqërie ku të gjitha gratë të jetojnë një jetë me dinjitet, pa diskriminim dhe me mundësi të barabarta.
Për më shumë informacion, mund të vizitoni faqen zyrtare: https://gjalbania.org/
Qendra “Konsumatori Shqiptar” është një organizatë kombëtare jofitimprurëse e themeluar në vitin 2014, me mision të qartë për të përmirësuar cilësinë e jetës së konsumatorëve shqiptarë, në veçanti atyre në situata vulnerabël. Qendra vepron në të gjithë Shqipërinë dhe ka në fokus informimin, ndërgjegjësimin, këshillimin dhe përfaqësimin e interesave të konsumatorëve në fushat e sigurisë ushqimore, produkteve joushqimore, kontratave konsumatore, të drejtave të pacientëve, mjedisit dhe arsimit. Ajo ofron shërbime ligjore, trajnime, ndërmjetësim për zgjidhjen e konflikteve, lehtësim procesesh dhe kërkime/studime. Beneficiarët e shërbimeve të saj janë të gjerë dhe përfshijnë fëmijë, gra, të rinj, të moshuar, persona me nevoja të veçanta, komunitete minoritare dhe LGBT, si dhe administratën qendrore dhe vendore.
Për më shumë informacion, vizitoni faqen zyrtare: http://mbrojtjakonsumatoreve.com/
Qendra Europiane është një organizatë kombëtare jofitimprurëse, e themeluar në vitin 1999, që vepron në të gjithë Shqipërinë me fokus në përfshirjen e grupeve të margjinalizuara si fëmijët, gratë, personat me aftësi të kufizuara, komunitetin rom dhe egjiptian, si dhe individët me më pak mundësi. Me misionin për të kontribuar në konsolidimin e shtetit të së drejtës dhe integrimin evropian të Shqipërisë, Qendra zbaton katër programe kryesore: Shteti i së Drejtës, Të Drejtat e Njeriut, Integrimi Evropian dhe Demokracia & Qeverisja e Mirë. Ajo është anëtare e Rrjetit Evropian të Implementimit në Strasburg dhe ka bashkëpunuar me institucione të rëndësishme si Delegacioni i BE-së në Shqipëri, Këshilli i Evropës, USAID, GIZ, UNICEF dhe OSBE.
Për më shumë informacion, vizitoni faqen zyrtare: euro-centre.org.
Qendra e Zhvillimit të Shoqërise Civile (CSDC) Durrës ,e krijuar në 2004, është një organizatë joqeveritare me një mision të qartë për të promovuar zhvillimin e qëndrueshëm të shoqërisë civile dhe forcimin e demokracisë në nivel lokal dhe kombëtar. Organizata synon të fuqizojë komunitetin dhe grupet e interesit përmes pjesëmarrjes aktive në vendimmarrje, rritjes së kapaciteteve të organizatave të shoqërisë civile, dhe mbështetjes së transparencës dhe llogaridhënies në institucionet publike.
Fushat kryesore të veprimtarisë së CSDC Durrës përfshijnë promovimin e përfshirjes së të rinjve dhe grupeve të margjinalizuara në proceset vendimmarrëse, monitorimin e proceseve zgjedhore për të siguruar standardet demokratike, si dhe nxitjen e transparencës në administratën publike. Organizata ka një histori të gjatë në zbatimin e projekteve të rëndësishme që lidhen me angazhimin qytetar, zhvillimin social-ekonomik, dhe fuqizimin e të drejtave të njeriut.
Për më shumë informacion, mund të vizitoni faqen zyrtare: CSDC – Qendra e Zhvillimit të Shoqërisë Civile
Qendra e Shërbimeve dhe Praktikave Ligjore të Integruara (QSHPLI) është një organizatë e shoqërisë civile e themeluar në vitin 2000, me seli në Tiranë dhe me degë në disa qytete të tjera të Shqipërisë. Misioni i saj është promovimi dhe mbrojtja e të drejtave të grupeve në nevojë, veçanërisht të të miturve, duke ofruar ndihmë ligjore dhe psiko-sociale falas. QSHPLI kontribuon në përmirësimin e legjislacionit penal, familjar dhe civil përmes përgatitjes së opinioneve dhe rekomandimeve ligjore. Ajo organizon trajnime për profesionistë të ndryshëm, përfshirë punonjës të policisë, prokurorë, gjyqtarë, avokatë, mësues, punonjës socialë dhe psikologë, si dhe studentë të drejtësisë dhe shkencave sociale.
Për më shumë informacion, mund të vizitoni faqen zyrtare: https://www.cilsp.org/
Qendra e Këshillimit dhe Shërbimeve Psikologjike është një organizatë e përkushtuar në ofrimin e mbështetjes psikologjike, emocionale dhe sociale për individët dhe familjet që përballen me vështirësi të ndryshme në jetën e përditshme. Qendra synon të promovojë mirëqenien mendore, përfshirjen sociale dhe fuqizimin e individëve nëpërmjet këshillimit profesional, ndërhyrjeve terapeutike, trajnimeve dhe fushatave sensibilizuese. Me një staf të specializuar psikologësh, terapistësh dhe ekspertësh socialë, Qendra punon për të parandaluar dhe trajtuar problematika të tilla si dhuna në familje, çrregullimet emocionale, stresi, ankthi, depresioni dhe vështirësitë në marrëdhënie. Ajo bashkëpunon ngushtë me institucione publike, shkolla dhe organizata të shoqërisë civile për të ofruar shërbime të integruara dhe të aksesueshme për të gjitha grupet në nevojë.
Për më shumë informacion, mund të vizitoni faqen zyrtare: https://www.facebook.com/qendrakeshillimit.sherbimevepsikologjike
Qendra e Gruas “Hapat e Lehtë” në Shkodër është një organizatë jo fitimprurëse e themeluar në prill të vitit 2001, falë bashkëpunimit të tre shoqatave shqiptare – “Forumi i Pavarur i Gruas”, “Planifikimi Familjar”, “Refleksione” – dhe organizatës italiane COSPE, me mbështetjen financiare të Bashkëpunimit Italian dhe programit UNOPS. Qendra u krijua si një hapësirë që bashkon ekspertizën, përvojën dhe veçantitë profesionale të organizatave themeluese, duke ofruar një model bashkëpunimi të suksesshëm në shërbim të grave dhe komunitetit. Ajo ka një Komitet Drejtues aktiv me 9 anëtarë, përfshirë përfaqësues të lagjeve ku Qendra operon, duke garantuar pjesëmarrje të drejtpërdrejtë të përfituesve në procesin vendimmarrës dhe fuqizimin e tyre si liderë komunitarë. Nëpërmjet punës së saj ndër vite, Qendra ka kontribuar në forcimin e marrëdhënieve institucionale lokale dhe krijimin e zyrës së gruas pranë Bashkisë Shkodër, si dhe në hartimin e hartës së shërbimeve sociale për gratë e qytetit.
Për më shumë informacion, mund të vizitoni faqen zyrtare: https://hapatelehte.org/
Be the Change është një organizatë Jo Fitimprurëse e pavarur, që nëpërmjet aktivitetit të saj kërkon të krijojë një impakt pozitiv në shoqëri. Ajo është themeluar në Prill 2016, me qendër në Tiranë por shtrirje të veprimtarisë në të gjithë Shqipërinë. Misioni kryesor i Be the Change është të ndikojë në rritjen e mirëqënies psikosociale dhe ekonomike të shoqërisë nëpërmjet iniciativave që nxitin: Edukimin cilësor; Inovacionin; Zhvillimin Kulturor; Mundësi të barabarta; Paqen, të Drejtën dhe Institucione të forta; etj. Be the Change synon përfshijen e të rinjve në relizimin e projekteve. E gjitha kjo në funksion të rritjes së ndërgjegjësimi të tyre për çështje me ndjeshmëri sociale dhe aktivizimin qytetar, gjë që do të garantojë një të ardhme më të mirë për vendin.
Për më shumë informacion, mund të vizitoni faqen zyrtare: https://bethechange.al/
Qendra “Durrësi Aktiv” është një organizatë joqeveritare e themeluar më 15 maj 2019, e cila operon në qytetin e Durrësit me qëllim përmirësimin e jetës së qytetarëve përmes ndryshimeve ekonomike, politike, mjedisore dhe sociale. Organizata promovon vlerat demokratike, pjesëmarrjen aktive të qytetarëve, komunitete të barabarta, solidaritetin dhe vullnetarizmin. Përmes platformës komunitare “Jamvullnetar.al”, Durrësi Aktiv nxit angazhimin e qytetarëve në nisma që synojnë rimëkëmbjen dhe ndërtimin e një të ardhmeje më të qëndrueshme për komunitetin. Organizata bashkëpunon me institucione vendore dhe ndërkombëtare për të realizuar projekte që ndikojnë pozitivisht në jetën e qytetarëve dhe zhvillimin e qytetit të Durrësit.
Për më shumë informacion, mund të vizitoni faqen zyrtare: https://durresiaktiv.al/
Qendra Aleanca Gjinore për Zhvillim (GADC), e themeluar në vitin 1994 si Qendra e Grave, është një organizatë jopartiake dhe jofitimprurëse me mbi 25 vjet përvojë në kërkime, edukim publik, zhvillim kapacitetesh, monitorim dhe avokim. GADC promovon zhvillimin demokratik dhe qeverisjen e mirë, me fokus të veçantë në barazinë gjinore dhe përfshirjen sociale. Organizata ka luajtur një rol kyç në adresimin e çështjeve si dhuna me bazë gjinore, trafikimi i qenieve njerëzore dhe fuqizimi ekonomik i grupeve të cenueshme, duke avokuar për legjislacione dhe politika të rëndësishme si Ligji “Për Marrëdhëniet Familjare” dhe buxhetimi gjinor në nivelet lokale dhe qendrore. GADC ka zbatuar mbi 100 projekte që kanë ndikuar jetën e mijëra përfituesve në të gjithë Shqipërinë dhe ka bashkëpunuar me një gamë të gjerë aktorësh, përfshirë organizata të shoqërisë civile, institucione publike, organizata ndërkombëtare, sektorin privat, median dhe akademinë. Përmes një rrjeti të gjerë ekspertësh dhe trajnerësh, GADC ka ofruar asistencë të gjerë në zhvillimin e kapaciteteve dhe trajnime për OShC-të kombëtare dhe lokale, duke forcuar ndikimin e tyre në nivel lokal dhe kombëtar. Organizata është gjithashtu një aktor i rëndësishëm në nisma për të luftuar dhunën me bazë gjinore, për të promovuar të drejtat ekonomike të grave dhe burrave në shoqërinë shqiptare, dhe për të mbrojtur barazinë gjinore dhe respektin për diversitetin.
Për më shumë informacion, mund të vizitoni faqen zyrtare: https://gadc.org.al/
Nisma ARSIS është një shoqatë komunitare në Shqipëri e angazhuar për avancimin e të drejtave të fëmijëve, të rinjve dhe kujdestarëve të tyre që përballen me vulnerabilitetin. Ajo ofron shërbime gjithëpërfshirëse dhe mundëson integrimin e dinjitetshëm të individëve në shoqëri. Nisma ARSIS punon në mbarë vendin, me fokus në mbështetje për fëmijët, të rinjtë, familjet dhe komunitetet vulnerabël. Organizata ndjek një qasje ndërsektoriale dhe të bazuar në të drejtat e njeriut për të ofruar shërbime sociale dhe ndërhyrje të gjithanshme. Fushat kryesore të punës janë: 1) Shërbime multidisiplinore për komunitetin, 2) Edukimi, 3) Mbrojtja e fëmijëve, 4) Reagimi ndaj emergjencave, dhe 5) Fuqizimi ekonomik.
Për më shumë informacion, mund të vizitoni faqen zyrtare: www.nisma-arsis.org
Dega e Kryqit të Kuq në Berat është një ndër degët e Kryqit të Kuq Shqiptar, e cila operon në përputhje me parimet themelore të Lëvizjes Ndërkombëtare të Kryqit të Kuq dhe Gjysmëhënës së Kuqe. E angazhuar në mënyrë të vazhdueshme në ndihmën ndaj individëve dhe familjeve në nevojë, Dega Berat ofron mbështetje humanitare për komunitetin, duke përfshirë ndihma ushqimore dhe higjieno-sanitare, programe ndërgjegjësuese për shëndetin dhe edukimin, si dhe ndërhyrje në raste emergjencash natyrore apo sociale. Aktivitetet e saj përfshijnë gjithashtu promovimin e vullnetarizmit, dhurimit vullnetar të gjakut, si dhe mbështetjen për grupet në situata të cenueshme si të moshuarit, fëmijët dhe personat me aftësi të kufizuara. Përmes rrjetit të gjerë të vullnetarëve dhe bashkëpunimit me institucione vendore dhe organizata të tjera, Kryqi i Kuq – Dega Berat kontribuon në ndërtimin e një shoqërie më solidare dhe të qëndrueshme.
Komiteti Shqiptar i Helsinkit është një organizatë për të drejtat e njeriut, e angazhuar për të siguruar respektimin e të drejtave të njeriut, forcimin e sundimit të ligjit dhe mbikëqyrjen e zgjedhjeve të lira dhe të drejta, në përputhje me Kushtetutën dhe aktet ndërkombëtare të zbatueshme në Republikën e Shqipërisë.
AHC beson dhe punon për arritjen e një faze zhvillimi të shoqërisë shqiptare ku qytetarët, pavarësisht veçorive ose dallimeve të tyre, ushtroni lirisht dhe në mënyrë të barabartë të drejtat dhe liritë themelore, në përputhje me standardet kushtetuese dhe ndërkombëtare, në të gjitha aspektet e jetës.
AHC beson se përparimi në mbrojtjen, promovimin dhe zbatimin e të drejtave të njeriut realizohet përmes angazhimit konstruktiv dhe bashkëpunimit midis qytetarëve, si dhe ndërmjet tyre dhe institucioneve të tjera publike, private dhe jo-fitimprurëse që ndajnë të njëjtën vizion.
Për më shumë informacion, mund të vizitoni faqen zyrtare: https://ahc.org.al/
IRSH (Intelektualët e Rinj Shprese) është një organizatë joqeveritare dhe jofitimprurëse, e angazhuar në zhvillimin e shoqërisë civile në Shqipëri dhe promovimin e paqes dhe stabilitetit në Ballkan. Ajo ka si qëllim kryesor mbrojtjen e të drejtave të njeriut, edukimin ligjor dhe ofrimin e shërbimeve ligjore falas (Pro Bono), si dhe mbështetje për grupet e margjinalizuara dhe vulnerabël. Aktivitetet e IRSH përfshijnë gjithashtu mbrojtjen e mjedisit, zhvillimin e turizmit, dhe promovimin e artit, kulturës dhe sportit. Organizata është e angazhuar në ndihmën e komunitetit për të përmirësuar kushtet e jetesës dhe zhvillimin e mundësive për të rinjtë.
IRSH është e hapur për partneritete dhe bashkëpunim në zhvillimin e projekteve, sidomos në fushat e të drejtave të njeriut, mbrojtjes së të drejtave të grave, ekonomisë sociale dhe edukatës për informacion të lirë dhe të pavarur.
Për më shumë informacion, mund të vizitoni faqen zyrtare të IRSH: www.irsh.al
Facebook: https://www.facebook.com/Intelektualet.e.rinj.Shprese
Instagram: https://www.instagram.com/irsh.shkoder/
Qendra ALTRI është një organizatë jo-fitimprurëse e themeluar në vitin 2011, e angazhuar për promovimin e qeverisjes së mirë, sundimit të ligjit, të drejtave të njeriut dhe iniciativave kundër korrupsionit në Shqipëri. Ajo gjithashtu përpiqet të promovojë një sistem të drejtësie që vendos qytetarët në qendër. Me mbi një dekadë eksperiencë, ALTRI fokusohet në rritjen e ndërgjegjësimit, ndihmën në ndërtimin e kapaciteteve dhe projekte inovative të dizajnuara për të promovuar zhvillimin shoqëror. Organizatën e karakterizon një histori të suksesshme në zbatimin e iniciativave që mbrojnë dhe mbështesin të drejtat e njeriut, rrisin transparencën, efikasitetin dhe përgjegjshmërinë e institucioneve publike, luftojnë korrupsionin, ofrojnë edukatë ligjore për qytetarët dhe mbështesin institucionet publike në procesin e integrimit europian.
Për më shumë informacion, vizitoni faqen zyrtare: https://altri.al/
SCI kontribuon në forcimin e praktikave demokratike dhe institucioneve përmes angazhimit qytetar, pjesëmarrjes në hartimin dhe zbatimin e politikave në nivel qendror dhe vendor, si dhe promovimit të bashkëpunimit rajonal për zhvillim të qëndrueshëm, të bazuar në drejtësi dhe mundësi të barabarta. Organizata synon të nxisë qytetarë aktivë në proceset vendimmarrëse, të sigurojë që politikat publike të jenë në funksion të qytetarëve dhe në përputhje me parimet e BE-së, si dhe të rrisë bashkëpunimin rajonal në kuadër të integrimit evropian. Vizioni i SCI është që Shqipëria dhe rajoni të jenë të integruar në Bashkimin Evropian, me një demokraci funksionale dhe qytetarin në qendër, ku vetë SCI të luajë një rol kyç në këtë proces.
Për më shumë informacion, vizitoni faqen zyrtare: https://socialcontractinstitute.org/
Instituti i Studimeve Politike (ISP), i themeluar në vitin 2006 me vendim të Gjykatës së Rrethit Gjyqësor Tiranë, është një institut i pavarur kërkimor dhe analitik që synon promovimin e qeverisjes demokratike, përfaqësimit politik dhe llogaridhënies institucionale në Shqipëri. Që nga fillimi i tij, ISP është përqendruar në monitorimin e proceseve demokratike, institucioneve kushtetuese dhe të pavarura, standardeve zgjedhore, reformave kryesore dhe çështjeve të integrimit europian. Aktiviteti i parë i ISP u inaugurua me pjesëmarrjen e studiuesit të njohur britanik Noel Malcolm dhe personaliteteve të larta politike shqiptare. Gjatë viteve, ISP ka luajtur një rol aktiv në analizimin e performancës së Kuvendit, partive politike, reformës në drejtësi, si dhe në forcimin e transparencës dhe pjesëmarrjes qytetare. ISP bashkëpunon ngushtësisht me institucionet kryesore shtetërore dhe vendore, duke kontribuar me ekspertizë dhe rekomandime në fusha të ndryshme. Instituti ka publikuar një sërë botimesh unike në fushën e politikës dhe qeverisjes, përfshirë analizat mbi demokracinë e brendshme të partive, dekriminalizimin, përfaqësimin gjinor, standardet zgjedhore dhe memorien ndaj së kaluarës.
Për më shumë informacion, vizitoni faqen zyrtare: https://isp.com.al/
Instituti i Kulturës Rome në Shqipëri (IRCA), i themeluar më 1 korrik 2011, është një organizatë që synon të kultivojë dhe zhvillojë trashëgiminë kulturore rome, duke u frymëzuar nga përvojat ndërkombëtare në fushën e edukimit dhe ndërkulturalitetit. Misioni i IRCA-s përfshin: advokimin për akses të barabartë të qytetarëve rom në të drejta dhe shërbime publike e sociale; këshillimin për karrierë dhe mbështetjen arsimore për studentët rom; rritjen e kapaciteteve të të rinjve rom për përfshirje aktive në jetën publike; kryerjen e studimeve për dokumentimin dhe institucionalizimin e trashëgimisë kulturore rome; si dhe promovimin e shkëmbimeve ndërkulturore dhe të marrëdhënieve miqësore mes të rinjve rom dhe jo-rom brenda dhe jashtë vendit. Kombinimi i shërbimeve vullnetare, advokuese dhe aktiviteteve rekreative ka kontribuar në krijimin e tre rrjeteve rinore: Rrjeti Rom i Studentëve, Korpusi Rom i Vullnetarëve dhe Parlamenti Rinor Rom. Shumica e aktiviteteve të IRCA-s janë pasqyruar edhe në radion online “Kanxura”. Puna e institutit fokusohet në katër fusha kryesore: dialogun ndërkulturor, fuqizimin e të rinjve, advokimin dhe pjesëmarrjen, si dhe zhvillimin institucional dhe ndërtimin e partneriteteve.
Për më shumë informacion, vizitoni faqen zyrtare: https://irca.al/
Shoqata “Horizont i Hapur” është një organizatë jofitimprurëse dhe jopolitike, e krijuar me qëllim promovimin e të drejtave të njeriut dhe barazisë mes individëve si vlera thelbësore për zhvillimin e një shoqërie demokratike. E regjistruar me vendim gjyqësor në vitin 2012 dhe me seli në Shkodër, shoqata mbështet individët dhe grupet sociale në ushtrimin e të drejtave të tyre, duke synuar një shoqëri ku çdo individ trajtohet me dinjitet dhe barazi para ligjit, pavarësisht prejardhjes apo bindjeve. Misioni i saj është të kontribuojë në mbrojtjen e të drejtave të njeriut përmes ndërgjegjësimit publik, nxitjes së iniciativave komunitare, pjesëmarrjes në vendimmarrje dhe ofrimit të asistencës ligjore për grupet në nevojë.
Shoqata “Horizont EU” është një organizatë me karakter kulturor, agroturistik dhe mjedisor, pasardhëse e shoqatës “Horizont 2000”. “Horizont 2000”, dhe më pas “Horizont EU”, ka një histori të hershme veprimtarie, kryesisht në fushën e kulturës dhe trashëgimisë tradicionale. Fillimet e kësaj shoqate datojnë në vitin 1998, ndërsa në vitin 1999 ajo dha një kontribut të rëndësishëm gjatë luftës në Kosovë, duke ndihmuar në krijimin e kushteve lehtësuese për vëllezërit kosovarë të ardhur në Shqipëri për shkak të gjenocidit serb.
Në vitin 2005, shoqata “Horizont 2000” ndërpreu aktivitetin e saj për shkak të largimit të disa prej drejtuesve dhe anëtarëve të bordit. Ajo u rihap në qershor të vitit 2010 me një emër të ri, “Horizont EU”, duke iu bashkuar aspiratës së popullit shqiptar për t’u bërë pjesë e denjë e Bashkimit Evropian.
Për më shumë informacion, vizitoni faqen zyrtare: https://horizonteu.org/
Fondacioni Joscelyn (JsF) është një organizatë jofitimprurëse, e themeluar me vendimin nr. 503, datë 23.03.2015 të Gjykatës së Rrethit Gjyqësor Tiranë. Me vizionin “Qytetarë aktivë për zhvillimin e komunitetit”, JsF angazhohet në një gamë të gjerë fushash programore që përfshijnë: fuqizimin e të rinjve; shtetin e së drejtës, demokratizimin dhe qeverisjen e mirë; barazinë gjinore dhe fuqizimin e grave; dinamikat e popullsisë; ndihmën juridike; sipërmarrjen; dhe arsimin. Fondacioni synon të kontribuojë në ndërtimin e një shoqërie të drejtë, gjithëpërfshirëse dhe të zhvilluar, përmes forcimit të pjesëmarrjes qytetare dhe ofrimit të mundësive të barabarta për të gjithë.
Për më shumë informacion, vizitoni faqen zyrtare: www.joscelynfoundation.org
Qendra “Drejtesi dhe Paqe” ka per qellim te ndihmoje ne pajtimin e familjeve qe jane ne konflikt per arsye te ndryshme duke perfshire te gjitha strukturat e interesuara ne kete problem, te trajnoje njerez dhe autoritetet lokale si dhe komisionet ne zgjidhjen e problemeve ne rajonin e Shqiperise se Veriut duke ndertuar shkolla, ura, rruge.Te punoje me femijet e privilegjuar dhe te nderhyrje ne situate te ndryshme emergjente.
Për më shumë informacion, vizitoni faqen zyrtare: www.juspaxalbania.org
Agjencia Rajonale e Zhvillimit Vlorë (ARZHV) është një fondacion i krijuar në vitin 1998 me qëllimin për të mbështetur zhvillimin social dhe ekonomik të rajonit jugor të Shqipërisë. Me seli në qytetin e Vlorës, organizata shtrin aktivitetin e saj në qytetet Vlorë, Sarandë, Gjirokastër dhe Tiranë, duke qenë një aktor i rëndësishëm në ofrimin e shërbimeve për komunitetet lokale.
ARZHV ka ndërtuar profilin e saj si një qendër burimore ndër-sektoriale që bashkëpunon ngushtësisht me aktorë të ndryshëm, duke filluar nga bizneset, gratë, të rinjtë, minoritetet, administrata vendore dhe publiku i gjerë. Përmes një game të gjerë shërbimesh që përfshijnë konsulencë, trajnime, coaching dhe programe të orientuara drejt zhvillimit të ndërmarrjeve të vogla dhe të mesme (SME), agjencia synon fuqizimin ekonomik dhe përmirësimin e klimës së biznesit në rajon.
Misioni i Agjencisë është të kontribuojë si bashkë-udhëheqës në zhvillimin e komuniteteve, duke promovuar partneritete efektive ndërmjet sektorit publik, sektorit privat, donatorëve ndërkombëtarë dhe organizatave joqeveritare. ARZHV angazhohet në zbatimin e programeve të përbashkëta të zhvillimit, me synimin për të nxitur mirëqenien sociale, integrimin ekonomik dhe zhvillimin e qëndrueshëm lokal.
European Movement Albania është një organizatë e pavarur jofitimprurëse, e cila kombinon funksionet e një think tank-u dhe një strukture advokuese. E themeluar në shkurt të vitit 2007, EMA lindi si përgjigje ndaj përpjekjeve të Shqipërisë për të përshpejtuar procesin e integrimit në Bashkimin Europian. EMA e konsideron integrimin europian si një proces me përfitime të mëdha për vendin, por njeh edhe sfidat dhe mangësitë e tij. Në këtë kuadër, organizata synon të promovojë ide dhe qasje të reja për përmirësimin e politikbërjes. EMA shërben si një forum për shkëmbimin e ideve dhe opinioneve mbi sfidat politike, ekonomike dhe sociale që përballon Shqipëria, duke kontribuar në forcimin e demokracisë dhe promovimin e vlerave demokratike në analizën dhe zbatimin e politikave publike.
Për më shumë informacion, vizitoni faqen zyrtare: https://em-al.org/en/front-page/
Qendra për Fuqizimin Ligjor (CLE) është një qendër ligjore e orientuar nga komuniteti, e cila synon të fuqizojë qytetarët dhe komunitetet përmes përfshirjes aktive në proceset ligjore dhe avokuese. Duke ndjekur qasjen e fuqizimit ligjor, CLE beson se përfshirja kuptimplotë e qytetarëve në proceset ligjore rrit ndikimin ndaj institucioneve publike dhe ndihmon në krijimin e ndryshimeve të qëndrueshme. CLE përfshin juristë dhe paralegalë në aktivitetet e saj, duke ofruar edukim dhe ndihmë ligjore falas në nivel komunitar, si dhe duke mbështetur pjesëmarrjen në raste ligjore strategjike dhe procese avokuese. Fushat e ekspertizës së CLE përfshijnë të drejtat në vendin e punës, mbrojtjen e mjedisit, mbrojtjen e të dhënave, të drejtat e konsumatorit, të drejtat për kujdes shëndetësor, luftën kundër korrupsionit, hartimin e projekteve për financime dhe zhvillimin e trajnimeve për studentë, juristë, OJF dhe institucione publike.
Për më shumë informacion, vizitoni faqen zyrtare: https://cle.al/en/
CBC është një organizatë jofitimprurëse e themeluar në vitin 2018, e cila synon të kontribuojë në arritjen e zhvillimit të qëndrueshëm përmes fuqizimit të komunitetit, mbrojtjes së të drejtave të grupeve të margjinalizuara dhe promovimit të solidaritetit, përfshirjes sociale dhe dialogut ndërkulturor. CBC mbështet iniciativa që nxisin integrimin social dhe ndërtimin e një shoqërie më të barabartë dhe gjithëpërfshirëse.
Për më shumë informacion, vizitoni faqen zyrtare: https://www.cbc.org.al/
Qendra AIA (Albanian Innovation Accelerator), me seli në Durrës dhe e themeluar në vitin 2015 nga Dr. Julia Goga-Cooke, është një organizatë shkencore, kërkimore dhe kulturore, e pavarur dhe jofitimprurëse, që ka për mision të fuqizojë të rinjtë dhe të mbështesë inovacionin në kompani përmes trajnimit, mentorimit dhe rrjetëzimit. AIA punon për të përhapur aftësi sipërmarrëse dhe përdorimin e teknologjisë dhe mendimit dizajnues në shkolla, OJF, organizata dhe biznese, duke ndërtuar një ekosistem bashkëpunues mes universitetit, biznesit dhe komunitetit lokal. Me moton “Ndërtojmë komunitete përmes inovacionit”, AIA synon të bëhet një pikë takimi për ide dhe veprim për një të ardhme më të qëndrueshme.
Për më shumë informacion, vizitoni faqen zyrtare: https://www.facebook.com/aianetwork?mibextid=LQQJ4d
Akademia e Integrimit Europian dhe Negociatave (AIEN) është një organizatë e themeluar me synimin për të mbështetur procesin e anëtarësimit të Shqipërisë në Bashkimin Europian, përmes edukimit, trajnimit dhe rritjes së kapaciteteve të aktorëve institucionalë, shoqërisë civile dhe qytetarëve. AIEN punon për të rritur ndërgjegjësimin mbi vlerat dhe parimet europiane, për të analizuar politikat publike në raport me standardet e BE-së dhe për të promovuar një ekonomi funksionale tregu dhe shtetin e së drejtës. Organizata synon të krijojë një rrjet ekspertësh dhe profesionistësh të angazhuar për integrimin europian, të nxisë dialogun ndërkufitar dhe rajonal, si dhe të forcojë përfshirjen qytetare në procesin e reformave dhe negociatave me BE-në.
Për më shumë informacion, vizitoni faqen zyrtare: https://aien.al/
Agjencia Rajonale e Zhvillimit Berat (RDAB) promovon zhvillimin e ndërmarrjeve të vogla dhe të mesme përmes ndërtimit të kapaciteteve të shoqërisë civile dhe zbatimit të programeve që kontribuojnë në zhvillimin ekonomik dhe social të rajonit.
RDA Berat shërben në juglindje të Shqipërisë, duke kryer një sërë detyrash që variojnë nga menaxhimi i programeve të trajnimit të përshtatura dhe zhvillimi i planeve të avancuara të biznesit për klientët e saj, deri te botime, studime, kërkime dhe organizimi i workshopeve që përmbushin misionin e saj për përmirësimin e zhvillimit socio-ekonomik të rajonit.
Me fokus të veçantë në punësimin e të rinjve, veçanërisht të grave, RDAB ka një bashkëpunim të mirë me organizata lokale dhe ndërkombëtare si GIZ, EBRD, UNDP dhe USAID. RDAB promovon dhe mbështet qëndrueshmërinë e zhvillimit socio-ekonomik në rajon përmes tre sektorëve kryesorë: arsimi profesional (VET), turizmi dhe ekonomia e gjelbër.
Për më shumë informacion, vizitoni faqen zyrtare: https://rdaberat.com/
Shqip